(حتعتزلي متين ياأُنثي التنين المُعَمِّرة) .. الشاعر أيمن النور يعود لمهاجمة الفنانة ندى القلعة
عاد الشاعر أيمن النور لمهاجمة الفنانة ندى القلعة،حيث كتب:
خَسَّرتي منظمي الحفلات قروش تقييييله
أول حفله عملوها ليك خسرانه تلاته مليون
المنظم قلعو جوازه وتلفونه
الا تاني يوم دفع الخسائر
البشوفك رافعه يدك يتخيَّل الجمهور طااالع في الحِيَط
اتاريك رافعاها للمعازيم الجايباهم
منظمي الحفلات والمتعهدين بقو يتزاوغو مِنك
قمتي عملتي ليك شركه
اول حفله ليها خِسرت راس المال
الحفله مادخلت حق طباعة التذاكر خليك من تكلفة الاعلانات وباقي الحفله
مابتتجاااازف ياندويه رااااحت ليك خلاص
الشاعر أيمن النور يهاجم الفنانة ندى القلعة
و تابع أيمن : هسه سألتك بالله جدولك فيو حفلتين ورا بعض لمدة سنه لي قدام؟؟؟؟؟
قلت ليك الدنيا دقققتك والعداداات أبتتتك
و الكُبُر خشه
لماتكوني شغاله حفلتك الواحده في السنه دي
بتقعدي اسبوووع كامل في الكوفير
تجهيزك مُرهِق جداً
وبكلِّف زمن ومساحيق تجميل فوق المعدَّل الطبيعي
عامل السن كمان بلعب دور في القصه دي
مافي زول عكس المؤتمر الوطني غيرك
ايي زول بباريك يامات ياخش السجن
الله يرحمك ياابوهريره
الله يرحمك ياكوباني
والمرحوم علي شندي برضو آخر ايامه كان مباريك
مره سُخنه بتوديك لي الله في عمرالزهور
عباره عن شحنات عاليه من الطاقه السلبيه التي تسبب الامراض
والإعياء بدون اسباب سابقه مما يؤدي الي فقدان الحياه ..
خلاص ياندويه اتكشفتي وبانت حقيقة القُبه الفاضيه
قايلين تحتها فكي لكن طلعت دلاقين ملفوفه
يافنانه يامرفووووضه
من جيتي تتلصقي
في الدولي محمدبشير ومبارياومن حفله لي حفله
دايره تسرقي الأضواء لكن الود جمهوره مختلف مااتقبلك
بعدين هدي عربي شاغله جداول الصالات والمتعهدين
ضارباااك وموقفه سوووقك ولافته الأنظار
بي غناها السمح وصوتها السمح وتيابها السمحه
وانتي بقيتي زي تلفون النوكيا تلاتين عشره قديمه وماعمليَّه
اجيبك عرس عشان تغني لي أنا الاولي في زماني
انا مالي ومالك الاولي وللا الطيش
احسن تشوفي ليك شغله تانيه
لو فتحتي مطعم بلدي وطبختي قُراصه وعصيده
وشاي لبن بي زلابيه بتنجحي
أخير ليك من تعشمي المتعهدين وتخذليهم
الواحد يعمل مسرح بمبلغ وقدره والحفله حق التصاديق ماتجيبو
حتعتزلي متين ياأُنثي التنين المُعَمِّره
سودافاكس
