فتاة سودانية تطلب إستشارة في قروب وتنهال عليها طلبات الزواج بالعشرات

طلبت فتاة سودانية إستشارة في زواج رجل اشترط عليها أن يسكن هو وزوجته الأولى معها بمنزلها، في إحدى قروبات السودانيين المقيمين بالخارج على موقع التواصل الاجتماعي “فيسبوك ” وكتبت الفتاة بحسب مانقل محرر (كوش نيوز) ” انا موظفة فى شركة ومرتبي ٨ الف فى واحد متزوج قال عايز يتقدم لى بس اشترط علي يسكن زوجتو معاى فى بيتي والبيت حقى مشترياهو من حر مالي انا خايفة ارفض تانى مايجينى عريس لانو انا عمرى ٤٤ سنة شاورو على اوافق ولا لا لانو الوحدة حارة والبيت قاعدة فيه براى وانا وحيدة لا اخ لا اخت ارجو منكم النصيحة” وانهالت عليها طلبات الزواج بعد طلبها النصيحة فقد علق أحدهم ” انا بتزوجك وبسكن معاك وحدي جادي للغاية عمري 38 عاماً ” بينما علق آخر انا ذاتي عندي ليكي عريس اخوي ود عمي تعالي خاص ووضع رقم هاتفه”وانهالت طلبات الزواج منها ”  انا بعرسك ومابجيب ليك زول الا رقبتى والله جادى “، يا بت انا بتزوجك وبسكن معاك براي لو موافقة ” بينما علق آخرون “انا جاهز مويه ونور وبجيك براي سنطه هدوم ما عندي الا انا ويديني “، ” تعالي خاص وحات الله اعرسك”.
فيما علق آخر “ماتوافقي لكن ياجماعة انا دا شخصيا ماعايز من مرة قروش بس عايز بنت يكون عندها بيت ملك بس عشان اضاني ترتاح وارتاح من الترحال بالرغم من اني ما متزوج لكن القاطع راسي السكن لو عندك زميلة وانشاءالله تكون عاطلة بس بتحل لي السكن تاقيها لي ربنا يسهل ليكي ويسهل لي.
وانتشرت ظاهرة طلب الاستشارات في أمور خاصة عند عدد من السودانيين بقروبات مواقع التواصل الاجتماعي، مما قد يجدوا حلولاً لكثير من مشكلاتهم الخاصة والانسانية.

كوش نيوز