حميدتي: في جهات شغالة ضدنا ولو بقى حكومة ولا معارضة مابنرحمه
حميدتي: نحن أبرياء من قتل متظاهري سبتمبر
حميدتي: أحمد هارون جاب لينا السمعة البطالة ومحله السجن ما الولايه
برأ قائد قوات الدعم السريع الفريق محمد حمدان دقلو (حميدتي) قواته من مسؤولية قتل متظاهري سبتمبر العام 2013م، وأوضح إنه يريد أن يعرف الشعب السوداني الحقيقة لأن البعض يتهم الدعم السريع بارتكاب تلك الجريمة وقال: “بتهمونا بقتل الناس في سبتمبر لكن الزمن داك انحنا كنا في معسكر التدريب واتخرجنا في أكتوبر ومشينا الميدان طوالي”. وتابع بنفي قاطع: “نحن ما شاركنا في أية عملية داخل الخرطوم وماعندنا علاقة بأي شغل تم في الخرطوم وأنا محتار ليه بيقولوا الدعم السريع، نحن بريئين من الحكاية دي عشان الشعب السوداني يعرف”.
وهاجم حميدتي خلال استضافته ببرنامج حال البلد بفضائية سودانية 24 مساء أمس الأول والي شمال كردفان أحمد هارون بشراسة وقال : “عندنا 86 شهيداً بجنوب كردفان و أكثر من 700 جريح، هارون يشتغل بي أنا سياسة، أحمد هارون محله السجن ما محله الولاية، لو مشينا للصاح كيف تشتغل بي سياسة؟، دا الزول الجاب لينا البلاوي ودخلنا في مشاكل وجاب لينا السمعة البطالة، أنحنا ما ملائكة 6 آلاف شخص في إنسان منهم ضرب ليهو زول قتلو والدنيا ليل والمطر شغال الحمد لله قدرنا طلعناهو وسلمناهو العدالة وتم رفده من الدعم السريع بالقانون”.
وأوضح قائد قوات الدعم السريع أن قواته موجودة داخل ولاية الخرطوم بأعداد كبيرة وقال: “قواتنا ما عندها علاقة بشغل الخرطوم، ويتطلب إنها تكون موجودة لطالما إنو في ناس بحلقوا الناس بأسم الدعم السريع وزول بسألهم ما في أحسن قوات الدعم السريع تكون موجودة تدافع عن نفسها”.
وأكد حميدتي شدة الانضباط لدى قواته وأردف: “والله أكثر قوة فيها ضبط وربط وبشيدوا بيها كافة القوات المسلحة، انحنا وجود سكارى فينا ما بنخليهو بنجلدو وبنرفدو”.
ونفى حميدتي علاقة قواته بما يثار مؤخراً عن قيامها بحملات لحلاقة الشباب بالخرطوم وزاد: “ما عندنا مشكلة وفي قانون، وكل متهم بريء حتى تثبت إدانته، وبالدليل الآن انحنا جايبين معانا 8 بلاغات، من ضمنهم زميلكم جهاد في قناة سودانية 24، وما بنشيل حقنا بالسوط ولا بالرجالة، وهذه ليست مهامنا لكن لطالما إننا أصبحنا متهمين الإنسان بدافع عن نفسه وبنقبضهم كلهم، وقواتنا ليست ملائكة منزلة وهناك قانون”.
ووصف حميدتي ما يثار تجاه الدعم السريع بالحملة المنظمة وقال: “دي حملة منظمة ضد الدعم السريع وعاملاها المعارضة، لكن إنحنا ما بنقول معارضة والعندنا ديل بنعصرهم لما يجيبو لينا الوراهم منو، يبقى زول في الحكومة ما بنرحمو، يبقى زول في المعارضة ما بنرحمو لكن بالقانون، والقانون لازم يطبق، وإذا بقى قانون ما في أي زول ياخد حقو بيدو، ويبقى ما في فايدة، أنحنا شغالين بالقانون وبناخد حقنا بالقانون”.
وقال قائد قوات الدعم السريع أن أغلب مشاكل قواته تأتي من الناس الشغالين في الحكومة، مشيراً إلى إن هناك اتهامات باطلة ليس لها قيمة أُطلِقت ضد قواته.
التيار
