وفاة فتاة متأثرة برحيل مصطفى حفناوى.. وخطيبها: آخر كلماتها “قلبى انقبض عليه”
مازالت السوشيال ميديا، تعانى من صدمة كبيرة، بوفاة الشاب اليوتيوبر مصطفى حفناوى، بعد دخوله المستشفى بأيام قليلة، حيث نعاه على مواقع التواصل الاجتماعى، أغلب الشخصيات العامة والفنانين والرياضيين، وكذلك شباب الانفلونسر، بخلاف آلاف الشباب من رواد مواقع التواصل الاجتماعى، ولكن يبدو أن تأثير وفاة مصطفى، تخطى مرحلة الحزن، حيث رحلت شابة تدعى منى أيمن، تعرصت لصدمة بعد وفاة مصطفى حفناوى، لتلحق به بعد ساعات قليلة من وفاته.
إسلام قنديل، خطيب الشابة منى أيمن، نشر عبر حسابه على موقع التواصل الاجتماعى “فيس بوك”، الرسائل المتبادلة بينه وبين خطيبته منى، حيث تعرضت لصدمة حينما علمت بوفاة مصطفى، وقال مصطفى تعليقا على صورة “الشات” بينه وبين خطيبته: “مانت بتكلمني الساعه 6 المغرب على حفناوي اللي مات وخايفه من الموت دا تقومي بعدها بسعات تروحي كدا مني في لحظه مش عارف اتحرك حاسس ان انا متكتف ومش مصدق”.
إسلام تعرض لصدمة عنيفة بعد علمه بنبأ وفاة خطيبته منى أيمن، حيث ظل ينشر العديد من الرسائل، والمنشورات حزنا عليها، وأيضا “سكرين شوت” لمحاولاته للحديث معها على “واتس اب” كما يفعل دائما، وهو ما ترك حزنا كبيرا على متابعيه على فيس بوك، حيث انتشرت قصة إسلام ومنى، وتداولها رواد مواقع التواصل الاجتماعى بشكل مكثف.
إسلام كتب على حسابه، “انا من غيرك مسواش حاجة ومحدش هيحس بحاجة شوفتى يوم واحد بعيد عني حصلى ايه ولوحدى يانن عينى وانتى عارفة ان انا لوحدى وكان زمانى دلوقتى بقولك تصبحي علي خير دلوقتي بقول ربنا يرحمك ويغفرلك ويجعلك من أهل الجنة ويصبرني علي فراقكك يوم مش هنساه ياحبيبتى انا مش مصدق نفسى يانن عيني يا أم إياد كنتى بتحبي الاسم دا ومتفقين نسمي ابننا إياد غربتى سوده من بعدك ياتري بكره هعيشه ازاي من بعدك يانني ربنا يرحمك ياعروسة ربنا يرحمك، ويصبرني في، مصيبتي ان لله وان اليه راجعون”
وقال فى منشور آخر، “خلاص كدا اخر ظهور ليكي كان يوم الاتنين قلبي تقيل اوي ياحبيبتي ومدمر من بعدك ان لله وان اليه راجعون مع السلامة ياحبيبتي انا مش مصدق حسدونا ياحبيبتي كانوا مستكترينك عليا وكله بيقولي يبختك معاك بنت مفيش زيها اهو سبتيني ياحبيبتي في نص الطريق بس خير انا بطمن نفسي وبكلم معاكي اكيد انتي حاسه بيا ومبسوطة وعارف انك كان نفسك اكون موجود اخر فترة واكون معاكي سامحيني انا اكتر حياتي معاكي كانت عبارة عن فيسبوك وواتس وشات بيجمعنا وانا متعود علي كدا علشان كدا بكلمك هنا يمكن حد يصحيني من الحلم دا تعبان يانن عيني اوي والله تعبان وقلبي تعبني علي فراقك الصعب دا”
اليوم السابع
