سمية الخشاب : عايزة أتجوز نجار.. ونفسي أعمل سرير كله من الشجر (فيديو)

سودافاكس – كشفت سمية الخشاب عن رغبتها في الزواج من نجار، خلال استضافتها في برنامج «كلام الناس»، الذي تقدمه الإعلامية ياسمين عز عبر فضائية MBC مصر.

ووقالت الخشاب: «لما بيسألوني عايزة تتجوزي إيه أقولهم نجار، لأني بحب النجارة جدًا وبحب أعيش وسط الطبيعة».

وعلقت سمية الخشاب على توقعات خبيرة الأبراج ماجي فرح لها بالزواج في 2022، وردا على سؤال «لقيتي نصك التاني؟» أجابت: «أنا لست ناقصة لأنتظر أحدا أن يكملني، وإذا أتى شخص ما فسيكون ما هو إلا نجم في سمائي، وإذا رحل ما أجمل السماء وهي صافية».

وحول سبب رغبتها في الزواج من نجار قالت: «أنا بحب النجارة جدا، ومؤخرا نفسي أعمل سرير كله من الشجر، وأبقى عايشة وسط الطبيعة، وممكن شوية زرع ونافورة حلوة».

وأضافت وفق المصري اليوم: «في حاجات كتير نجارة في البيت، فهيبقى مفيد وإيجابي في حياتي».

وحلت الفنانة سمية الخشاب ضيفة في برنامج «آخر كلام» الذي يذاع على شاشة MBC مصر وتقدمه الإعلامية ياسمين عز، مساء أمس، وتحدثت عن طلاق أحمد الفيشاوي وندى الكامل، ووجهت نصيحة لمطرب المهرجانات حمو بيكا، ورأيها في الخيانة الزوجية.

وهذه أبرز تصريحاتها

  • ندى الكامل طيبة ولذيذة وأنا كنت خايفة عليها، لأنني رأيت مشاحنات خفيفة ما بين أحمد وندى وتدخلت لحلها في مهرجان الجونة الماضي».

  • قدمت لندى نصائح ومبسوطة أنها سمعت النصايح، ولما انفصلت كانت بطريقة راقية جدًا، وهناك احترام متبادل وفي انفصال بشكل كويس وخدت حقوقها، وأنا مبسوطة إنها وصلت للحاجة اللي هي كانت عايزا تعملها.

  • ملامح حمو بيكا على الحقيقة بيبي فيس جدا، وطيب وعفوي وعنده حضور، وأنا بقول لو مثل هينجح جدا.

  • أنصح حمو بيكا أن يكمل تعليمه وأقول له :«مش عيب أنا لحد دلوقتي بتعلم وبقرا كتب جديدة وبفهم حاجات جديدة عشان أزود وعيي وإدراكي».

  • ماينفعش الست يكون طالع عينها عطاء، وفي النهاية تتخان وتتطلق وتنهار وحياتها تضيع وتمرض. لو ده حصل لازم تمشي فورا، وإلا تبقى عاوزة تتخان، وماينفعش هو يعرف واحدة تانية، أو تدخل تقفشه مع واحدة، وده بيحصل كتير.

  • مركزة في شغلي، وعندي مليون ألف حاجة أعملها، والجواز هيعطلني، وأنا مش عايزة أتعطل دلوقتي.

  • أنا رايقة ومبسوطة ومش حاسة بوحدة ولا بضيق ومستمتعة بحياتي.

  • المهرجانات نوع من الأغاني الشعبية، وأنا بحب الرقص أوي، ودايما برقص وأبدأ يومي بالرقص.

  • لا أحب السهر أو الخروج في رأس السنة، ودائما ما أحب المكوث في المنزل مع أسرتي.

  • محمد صلاح ابن بلدي وهو مهتم أوي إنه يطور من نفسه ويقرأ ومثقف ويتمرن كتير.

تعليقات الفيسبوك


انضم لقروب الواتسب - اضغط هنا

انضم لقروب الواتسب - اضغط هنا


اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.