الفن انتهى بعد محمود عبد العزيز و كل قادة الجيش ما عاوزين يحكموا.. تصريحات مثيرة للفنان جمال فرفور

سودافاكس ـ أدلى الفنان جمال فرفور بتصريحات مثيرة خلال استضافته في برنامج (دا كلامك) بحسب موقع خبرك :

كنت وكيل نيابة في بحري ورفدوني بشكل تعسفي بعد داك بقيت فنان و ما في أي تشاور ولا تواصل ولا تفاكر بيننا كفنانين واذا ما خلينا العبث دا بعد الحرب ما حيكون في اتحاد فنانين وأنا شخصيا ح أعتزل لو ما خلينا الشغل الفردي والمجد الشخصي.

و أضاف : حسيت ان الفن انتهى بعد وفاة محمود عبد العزيز ونادر خضر و إنتاجي قل بسبب وفاتهم و لو حتى نبدأ من الصفر أغنية محمود عبد العزيز وأكتبي لي أغنيتي أنا لكن اتبادلنا

كل قادة الجيش ما عاوزين يحكموا وحيكونوا جيش قومي خلف من يختاره الشعب بالنسبة لصور بيتي الانضرب ما عاوز اعلق، البيوت بيوت آخرة وما في زول عمل لينا حاجة كل شيء عملناهو بيدنا وتاني بنرجع نعمل

و واصل فرفور : تقدم والمؤتمر الوطني الاتنين خانوا السودان، المؤتمر تمسك بالسلطة 30 سنة ورفض يسلمها إلا بعد فقدنا أرواح، وناس تقدم بنقول ليهم لو دي وطنيتكم انتو ما سودانيين و حسيت بالأمان و الاطمئنان بعد اختلاط قوات مناوي مع الجيش، و وجود جميع التيارات في خندق واحد يدعم وحدة الجيش.

سودافاكس