هيثم عوض الله يكتب: ايدكم معانا …بعير لكل مستشفي

ايدكم معانا …بعير لكل مستشفي

هيثم عوض الله

حفاة جياع مرضي متعبون …
هذا حالهم عندما ذهبنا نتحسس وضعهم في نوفمبر من العام 2024 و هم هائمون مشردون في سهول البطانة
….
و ها نحن اليوم … نعود و العود أحمد … لسنا علي خوف من (فرعون) و جنده … لكن لنفتتح المنشآت و المستشفيات… و نشارك اهل البطانة زرعهم و ضرعهم و انجازاتهم ..
نجوب البطانة من حدها لي حدها (مليشة ما تعترليك) ..يسير الراكب منا من ود راوة حتي الصباغ لا يخشي الا الله ووحل الخريف اذا صبت المطرة.
………

هيثم عوض الله يكتب: حصة مجانا من ديلاي

عادت الحياة..عادت العزيمة .. أعادوا مدارسهم و مراكزهم الصحية و مستشفياتهم في كل الفرقان و الحلال الشوراب ..قري الشيخ مكي .. ابوحريرة … الداماب ..و من قبلهم برانكو و البشاقرة و ودراوة . تمبول ….والقائمة تطول
…..
و ستظل كلمة الناظر علي النمير محفورة في اذهان الاجيال التي سمعتها اليوم: (ماني مشحودين علي البلد دي.. و بنرجعا ان شاءالله… نحن بنينا مستشفانا ده بي ضراعنا .. انا بديتو بتبرع شخصي كان بعير… فتبع غيري واحد واحد حتي تموها مائة بعير) ..سبق بعير مائة ألف بعير … و الجود بالموجود ..
كعب الفيه ناس الحلة جت اتغشو
و كعب الخش نام قبال ضيوفو اتعشوا

و يواصل الناظر: و هاك ايد علي ايد …من جوة و برة حتي تم بناء المستشفي الشايفو قدامك ده..

انه انسان البطانة
انه انسان الجزيرة
انه السوداني و بس
و أهل الحارة ديل اهلي
(حنبنيهو) ال جد ما خمج