العيكورة يكتب : جامعة الرباط (أغلطوا يا جماعة لكن خلوها معقولة شوية) !!
سبق أن عاتب شاعر (حلمنتيش) الدكتور عمر خالد (الكمبيوتر) و كان حديثاً آنذاك عندما لم يحسن التصرف بحسب الشاعر فقال ….
غلطات كتيرة الكميوتر بعملا …
إمكن نسى و إمكن سِهى
وجاط النِّمر من أولا
ما قالوا بعرف كُل شئ
ليه ما عرف كلّ الحلا
وشال من نِمِّرنا وكمّلا
العيكورة يكتب : الرهد يا ريس!
ناس جامعة الرباط
يخرجوك
و يدوك شهادتك
تمشي التعليم العالي للتوثيق !
تلقى إسمك نازل مع قسم تاني غير الذي خرّجك !
والتعليم العالي يعتذر ويعيدك للجامعة
لتبدأ مشوار آخر من الوعود والمعاناة !
و القصة لم تُحكى لي بل عشتها داخل بيتي !
يا جماعة ركِّزوا
زكروا في قوائم الخريجين
الله يرضى عليكم
و لو كان (الكمبيوتر) فعل ذلك لعذرناكم
و لكنه خطأ بشري ١٠٠٪
(حاجة غريبة ياخ)
تتخرج كلية منظمات
يطلِّعوك محاسبة !!
صبري محمد علي العيكورة
