الطيب عبد الماجد يكتب: هو البقولو الناس شوية …!!

هو البقولو الناس شوية …!!

الطيب عبد الماجد

عندي صاحبي كدا سألني عن طريقة يرضي بيها ناس كدا بعزهم …!!
قال أربعة محاولات جادة فشلت …!!

قلت لي والحالة دي من متين !؟؟

قال طواااالي كدا …

قلت لي في أسباب جوهرية !؟؟
قال مافي …ومرات من غير سبب

أيواااااااا..

أنا غايتو لسا ما رديت عليهو …!!
قلت احتمال يقرا الكلام دا

المهم …

مره كدا العلامة ( شمس الدين التبريزي)
واحد من تلاميذو سألو

قال ليهو شنو يا شيخنا البِبرد على الروح
!!؟؟

التبريزي قال ليهو قال ليهو ( استغنى )

( فمن تركَ مَلَك )👌

من أراد هجرك وجد في ثقب الباب مخرجاً …ومن أراد ودّك ثقب إليك في الصخر مدخلا ..

( وهذه الحقيقة ) ✋

فركِز مع نمره اتنين ..( ديل الزيت )

ناس ثقب الباب ديل ما تخليهم في الثُقب …!!
أفتح الباب ذاتو عشان يمرقو بي مهَلة …

العالم فيه تمنية مليار …انت بس ما ( شايفم )
كيف تسمح لي زول واااحد يلعب بيك
ويجهجه أفكارك
المشكله عندك ما في الشبكة …

كلمتك غايتو …!؟